Enstîtuya Cigêrayîşî yê Kulturê Tirkan (Türk Kültürünü Araştırma Enstitüsü TKAE) badê darbeyo leşkerî yê 27ê Gulane 1961 de awan bîya. Sebebê tewr mûhîm yê awanbîyayişî ra yew tirkkerdişê kurdan o. Na xebate de derheqê kultur ziwan û tarixê kurdan de vindertiş û hilberkerdişê zanayîşî yê na enstîtu û metodî ke na enstîtu teqîb kerdê do analîz bibê. Gelek faktorî ke nuştişê na xebate rê çime bîyê ra behskerdiş mûmkûn bo zî motîvasyono bingeyên na enstîtu 1960an ra hetanî nîmeyê 1990an bi nîzam û bi ruhê dewrî ra paralel mîyanê faalîyetanê tirkkerdişê kurdan de û derheqê kurdan de hilberkerdişê zanayîşî de ca gena û sereyê merkezanê ke hilberê zanayîşî kenê de yena.