Ehmed Xwace yek ji wan rewşenbîrên Kurd e ku gelekî nêzîkî Şêx Mehmûd bûye. Xezînedarîya Şêx Mehmûd kiriye. Şahidê rasterast ê hemî bûyerên Tevgera Şêx Mehmûd e. Bi xwe beşdarî hereketa çekdarî ya tevgerê bûye. Di vê berhema "Min Çi Dîtin" de bi awayekî kronolojîk bûyerên tevgerê ên ji sala 1919'an heta 1927'an ji me re neqil dike.

Bê guman nivîsandina van awa bîranîn û şahidîya bûyeran ji bo dîrokzan û dîroknasên Kurd qîmeta wan nayê pîvan û hêjayî hemî awa pesin û şanazîyê ne. Bi saya van awa nivîsan rûpelên têkoşînê ên dîroka netewa Kurd ronî dibin. Ew kil û kêmasî an şaşîyên hene ji me re dibin rêber ku carî nebin.