TÂRÎH-İ ARMAĞÂN

Bundan altmış yıl mukaddem feth içün ilm kal'asın
Geldi bir Fâtih ki esb-i ilm anunla gemlenür

Şöyle benzersiz yaratmış Hak Te'âlâ fıtratın
Bulsa Cem'le Cemlenür hem Rüstem'e Rüstemlenür

Himmetinden oldu âbâd hayli mekteb medrese
Lutf u cûdun görse şâyed Bermekî ebkemlenür

Hıdmet etmiş nesl-i peygamber içün bin şevk ile
Rûz-ı mahşer dîde-i şâh-ı rüsül de nemlenür

Gölgesinden müstefîddür yazmalar mecmû'alar
Olsa mahrûm gayretinden Yâ Kebîkeç semlenür

Şâ'ir-i nâdîdedür hem etseler şi'rin taleb
Geh Nedîm'e nazlanur gâh Bâkî'ye vermemlenür

Eksik olmaz bardağından çay denen iksîr-i aşk
Gâlibâ dil hânesinde nâr-ı gamla demlenür

Bunca yıl ahbâbınun derdiyle dökmüş gözyaşı
Minnet-i ahbâbı da şol tuhfede şebnemlenür

Öyle bir haşmetle çıkmış kim gören lebbeyk okur
Armağân-ı Fâtih'in her katresi zemzemlenür {2021}
(Ömür Ceylan)